Dr Little Richard (* 5. Dezämber 1932 z Macon, Georgia as Richard Wayne Penniman; † 9. Mai 2020 z Tullahoma, Tennessee) isch en US-amerikaanische Rock-’n’-Roll-Sänger, -Pianischt un -Songwriter gsii. Är isch ain vu dääne gsii, wu in 1950er Joor Stilelemänt us Blues, Gospel un Rhythm and Blues unter em neie Genrename „Rock ’n’ Roll“ kumbiniert hän. Mer chännt en vor allem fir Hit wie „Tutti Frutti“ un „Long Tall Sally“. Derwylscht dr Chuck Berry Alldaagssprooch un -situazione gsunge het, het dr Little Richard mit dr Sprooch gspiilt („a wop bop a loo bop a lop bam boom“). Sy schnäll Klavierspiil un sy obverdrillte Gsang hän vyl Rock- un Pop-Musiker inschpiriert, unter anderem dr Buddy Holly, dr Jerry Lee Lewis un dr Elvis Presley. Dr Jimi Hendrix het in dr 1960er Joor in dr Band vum Little Richard gspiilt.
© MMXXIII Rich X Search. We shall prevail. All rights reserved. Rich X Search